Azərbaycan Televiziyasında yayımlanan “Yüz ilin sirləri” verilişində bu dəfə şair Almas İldırımdan bəhs ediləcək.

SeherXeber.org xəbər verir ki, bu barədə AzTV-nin Sosial media və ictimaiyyətlə əlaqələr şöbəsi məlumat yayıb.

 “Yüz ilin sirləri”ndə iki dəfə sürgün edilmiş, repressiyanın güllələnməmiş ən böyük qurbanı, dost sandığı məşhur yazıçı tərəfindən xəyanətə uğrayan, keçmiş sevdiyi xanımın həyat yoldaşı (yazıçı) tərəfindən sona qədər təqib edilən Vətən həsrətli şair Almas İldırim haqqında gizli məqamlara aydınlıq gətiriləcək.

Şairin İzmirdə yaşayan oğlu Azər İldırım ilk dəfə verilişdə atası ilə bağlı sualları cavablandıracaq.

Veriliş bu gün – dekabrın 26-da AzTV-də yayımlanacaq.