Hindistanın Açankulam şəhərində pirotexniki məmulatların hazırlandığı zavodda partlayış nəticəsində azı 11 nəfər həlak olub, 36 nəfər yaralanıb.

Bu barədə NDTV xəbər yayıb.

Hindistanın baş naziri Narenda Modi qurbanların ailələrinə başsağlığı verib. Onun sözlərinə görə, hazırda hökumət nümayəndələri zərərçəkənlərə yardım etmək üçün çalışır.

O da vurğulanır ki, ölənlərin ailələrinə 200 000 rupi (4 667 AZN), yaralananların ailələrinə 50 000 rupi (1 166 AZN) pul ödəniləcək.