Fransada güclü partlayış baş verib: İtkin düşənlər var - FOTO/VİDEO
Fransanın Bordo şəhərinin mərkəzində yerləşən yaşayış binasında güclü partlayış baş verib
Bu barədə “Sud Ouest” xəbər yayıb.
Şahidlər partlayışın əks-sədalarının bütün rayonda hiss edildiyini deyib. Yaxınlıqdakı mağazaların vitrinlərində şüşələr qırılıb.
#France: 3 people injured, 2 people are missing in #Bordeaux building explosion.The police suspect the explosion must have been caused by a gas leak. pic.twitter.com/V06cqxSUPW
— Nikhil Choudhary (@NikhilCh_) February 6, 2021
İlkin ehtimallara görə, hadisə qaz sızması nəticəsində baş verib. Evə ciddi ziyan dəyib, dağılma təhlükəsi var.
Hadisə yerinə xilasetmə xidməti və hüquq mühafizəçiləri cəlb olunub.
İlkin məlumatlara görə, üç nəfər yaralanıb, iki nəfər itkin düşüb. Həlak olanlar barədə məlumat yoxdur.