Türkiyədə su anbarında itkin düşən balıqçının meyiti sahilə çıxıb.

Bu barədə “HaberGlobal”  məlumat yayıb.

Bildirilib ki, 6 ay əvvəl balıq tutmaq istəyən balıqçıdan bir müddət sonra xəbər almaq mümkün olmayıb. Onun axtarışları uzun müddət davam etsə də, bu heç bir nəticə verməyib.

Öndər Gülhan adlı şəxsin axtarışı helikopterlərin müşayiəti ilə 21 gün davam edib və daha sonra axtarışlar dayandırılıb.

30 avqust tarixində səhər saatlarında su anbarının sahilində kişi meyiti tapılıb.

Polislər onun fevraldan bəri itkin düşən Öndər Gülhan olduğunu təxmin edir.