Tanınmış futbolçu Luis Suares yeni komandaya transfer olunub.

SeherXeber.org "Qafqazinfo"ya istinadla xəbər verir ki, uruqvaylı hücumçu karyerasını Braziliyada davam etdirəcək. O, dünən “Qremio” ilə müqavilə imzalayıb. Bu barədə klubun saytı məlumat yayıb. 35 yaşlı forvardla 2 illik müqavilə imzalanıb.

Suares 2022-ci ilin yayından Uruqvay “Nasional”ında çıxış edirdi. Onun bu klubla müqaviləsi bu ilin sonunda başa çatırdı. O, daha əvvəl "Ayaks", "Liverpul", "Barselona", "Atletiko" kimi böyük klublarda çıxış edib.