Millimizin sabiq çalışdırıcısı Robert Prosineçki Bosniya və Herseqvoina yığmasının baş məşqçisi təyin edilib.

“Qafqazinfo” xəbər verir ki, xorvatiyalı mütəxəssisin illik qazancı açıqlanıb. Xorvatiya mətbuatı 49 yaşlı çalışdıcırıcın illik 180 min avro (aya 15 min avro) qazancağını yazıb. Bu rəqəm onun millimizdəki qazancından 5,5 dəfə azdır.
 
Məlumatda bildirilir ki, AFFA Prosineçkiyə şərtləri yaxşı olan yeni müqavilə təklif edib. Lakin mütəxəssis illik qazancı 1,5 milyon avro olan təklifi geri çevirib və millimizlə irəli gedə bilməyəcəyini deyib.
 
Çalışdırıcı Bosniya və Herseqovinanı AÇ-2020-nin final mərhələsinə yüksəldə bilsə, 300 min avro mükafat alacaq.
 
Qeyd edək ki, Prosineçki 2014/2017-ci illərdə millimizi çalışdırıb.