Yaponiyada sakura ağacları çiçəklənməyə başlayıb.

Yerli “Kyodo” informasiya agentliyinin məlumatına görə, ölkənin meteoroloji xidməti “Yasukuni” sintoist məbədindəki yoxlama ağacının ötən illə müqayisədə eyni gündə çiçəklənməyə başladığını bildirib.   

Proqnozlara əsasən, çiçəklənmə mövsümü martın 22-də özünün pik nöqtəsinə çatacaq.

Qeyd edək ki, yapon albalısı kimi tanınan sakura ağacının çiçəklənməsi ölkəyə çox sayda turist cəlb edir. Lakin pandemiya ilə əlaqədar, ötən il olduğu kimi, bu il də əcnəbilərin gəlişinə məhdudiyyətlərin tətbiq olunacağı bildirilir.