Əlcəzairdə etirazlar səngimək bilmir. BMT ölkənin təhlükəsizlik qüvvələri tərəfindən etirazçılara qarşı kütləvi insan haqları pozuntularına görə narahatlığını ifadə edib.

“RİA Novosti” xəbər verir ki, bunu BMT İnsan Hüquqları üzrə Ali Komissarının idarə rəsmisi Rupert Kolvill bildirib.

Onun sözlərinə görə, nümayişlərin bərpa olunduğu 13 fevral tarixindən bugündək bir neçə yüz etirazçı həbs olunub.

“Biz Əlzəcair hökumətini dinc nümayişçilərə qarşı zorakılığı dayandırmağa və etirazlar zamanı bütün həbs olunanları dərhal azadlığa buraxmağa çağırırıq”, - deyə  BMT nümayəndəsi bəyan edib.

Qeyd edək ki, ölkədəki etirazlar sosial-siyasi xarakter daşıyır və radikal dəyişikliklər tələbilə keçirilir.