Myanmarda polislə toqquşmada 38 etirazçı həlak olub
Myanmarda 1 fevral dövlət çevrilişindən sonra etirazlar səngimir.
TASS xəbər verir ki, təkcə bu gün ölkənin müxtəlif şəhərlərində polislə mitinqçilər arasındakı toqquşmalarda 38 nəfər həlak olub.
Bu barədə BMT-nin bölgədəki xüsusi nümayəndəsi Kristin Şraner Burgener məlumat verib. Onun sözlərinə görə, indiyədək etirazlarda ölənlərin sayı artıq 50-yə çatıb. Həmçinin, asayiş keçikçilərinin kütləyə odlu silahdan atəş açmaları nəticəsində onlarla şəxsin yaralandığı bildirilib.
Müxtəlif mənbələrdən verilən məlumatlara əsasən, bugünədək bütün ölkəni bürüyən iğtişaşlar nəticəsində 850-dən çox şəxs saxlanılıb.