Heydər Əliyev adına Azərbaycan Ali Hərbi Məktəbinin kursantları üçün “Silahlı münaqişələrdə medianın rolu” mövzusunda seminar təşkil olunub.

Tədbirdə Azərbaycan jurnalistikasının peşəkar hərbi müxbirləri hərbi məktəbin kursantları qarşısında silahlı münaqişələrdə medianın rolu ətrafında mühazirələrlə çıxış ediblər.

Jurnalistlər 44 günlük Vətən müharibəsi ərzində müşahidə etdikləri media nümayəndələri ilə hərbi qulluqçular arasında qarşılıqlı əlaqə və birgə fəaliyyətin təşkili məsələlərinə toxunublar. 

Mühazirədə iştirak edən jurnalistlər sonda fəxri fərmanlarla təltif ediliblər.