Lyuis Hamilton Mixael Şumaxerin rekordunu qırdı
![](/images/article/big/1720493522.2283.jpg)
Yeddiqat dünya çempionu və "Mercedes" komandasının sürücüsü, britaniyalı Lyuis Hamilton "Formula-1"də Qran-pri qazandığı mövsümlərin sayına görə məşhur yarışçı Mixael Şumaxeri geridə qoyub.
Hamiltonun 16, Şumaxerin isə 15 uğurlu mövsümü var.
Xatırladaq ki, iyulun 7-də Lyuis Silverstounda keçirilən Britaniya Qran-prisinin qalibi olub. 39 yaşlı Hamilton Kimi Raykonenin 2018-ci ildəki nailiyyətini üstələyərək XXI əsrdə "Formula-1" yarışının ən yaşlı qalibi olub. O, həm də tarixdə eyni trasda doqquz dəfə qalib gələn ilk pilot adını qazanıb.
Hazırda pilotların ümumi sıralamasında 8-ci olan Hamiltonun 110 xalı var. "Mercedes" konstruktorlar çempionatında dördüncüdür. Komandanın aktivində 221 xal var.