"Türk hava yolları"na məxsus (THY) göyərtəsində 150 sərnişin olan Varşava-İstanbul  TK 1766 reysini həyata keçirən  təyyarə bomba təhlükəsi səbəbindən Rumıniyanın Buxarest Hava Limanına məcburi eniş edib.

Ölkə.Az xəbər verir ki, təyyarə heç bir problem olmadan Buxarest hava limanına eniş edib.
Təyyarədə olan sərnişinlər təxliyyə edildikdən sonra Rumıniya polisi təyyarənin salonunda və yük hissələrində ətraflı axtarışa başlayıb.

Axtarış zamanı xəbərin əsassız olduğu məlum olub. Bundan sonra sərnişin təyyarəsi öz işini tamamlayaraq İstanbula eniş edib.

Mürtəza
Ölkə.Az