Əgər Almaniya Ukraynaya “Leopard 2” tankları tədarük etməzsə, Polşa özü bu məsələnin həlli ilə məşğul olacaq.
APA-nın “Alman dalğası”na istinadən verdiyi xəbərə görə, bunu Polşa Baş naziri Mateuş Moravietski bəyan edib.
Baş nazir deyib ki, Almaniya Ukraynaya “Leopard 2” tankları verməzsə, Varşava Kiyevi müasir tanklarla və texnikalarla təmin etmək üçün “kiçik koalisiya” yaradacaq.
Mateuş Moravietski Almaniya Baş naziri Olaf Şoltsu tənqid edib və Almaniyanın bu məsələdəki mövqeyini qəbuledilməz sayıb.