1930-cu ildən bu yana İkinci Dünya Müharibəsi dövrü istisna olmaqla FİFA tərəfindən 4 ildən bir təşkil edilən və oynanıldığı zaman insanların diqqətini çəkməyi bacaran Dünya Çempionatı bu il 22-ci dəfə Qətərin ev sahibliyi ilə keçirilir.
Dünya Çempionatında mübarizə aparan komandaların ən böyük arzusu Dünya Kubokuna sahib ola bilməkdir.
Futbolçuların sevinc hissi ilə əllərində tutduğu kubokun isə maraqlı istehsal tarixçəsi var.
“Qafqazinfo” Dünya Kubokunun istehsal tarixi haqqında maraqlı məqamları təqdim edir.
Futbolda milli komandalar səviyyəsində ən yüksək təşkilat olan FIFA Dünya Kubokunu qazanan komandaya verilən simvolik kubok və onun surətlərini İtaliyada istehsal edir.
1930-cu ildə Uruqvayda keçirilən ilk dünya kuboku fransız heykəltəraş Abel Lafleur tərəfindən hazırlanmış və qədim qələbə ilahəsi Nikenin təsviri ilə bəzədilmişdi. Bu dizayn təxminən 40 il istifadə edilib.
Əvvəlcə "Qələbə" olaraq da bilinən və daha sonra FİFA-nın keçmiş Prezidenti Jül Rimenin adını daşıyan kubok o zaman Meksikada keçirilən Dünya Kubokunda Braziliyanın 3-cü dəfə çempion olması ilə "üçqat çempion" kuboku adını aldı.
1970-ci il Dünya Çempionatından sonra FİFA yeni kubok dizaynını müəyyən etmək üçün beynəlxalq müsabiqə keçirdi və bu yarışmada 53 dizayn iştirak etdi.
Bu gün portfelində UEFA Çempionlar Liqası, UEFA Avropa Liqası, UEFA Super Kuboku kimi tanınmış beynəlxalq təşkilatların kubokları olan GDE Bertoni italyan firmasının bədii rəhbəri, heykəltəraş Silvio Gazzaniganın orijinal dizaynıdır.
Əllərini yuxarı qaldıran iki qələbə mələyinin tutduğu kürədən ibarət olan Gazzaniganın dizaynı milyonlarla insanı eyni anda ekrana bağlayan bu mühüm təşkilatın baş mükafatı olmağa davam edir.
Son 50 ildə Dünya Kuboku deyiləndə ağla gələn bu unikal dizayn İtaliyanın sənaye şəhəri olan Milanın yaxınlığındakı Paderno Dugnanodakı müəssisələrində istehsal olunur.
Kupanın çəkisi 6,2 kiloqramdır və 18 karatlıq qızıldan hazırlanıb.
FIFA Dünya Kuboku 38 santimetr hündürlüyündə, 6,2 kiloqram ağırlığında və 18 karatlıq qızıldan ibarətdir. Bu dizaynın ilk dəfə 1973-cü ildə nümayiş olunub və 1974-cü ildə Almaniyanın ev sahibliyi etdiyi təşkilatda təqdim edilib.