Çinin paytaxtı Pekində keçirilən XIII Qış Paralimpiya Oyunlarında Azərbaycanın yeganə iştirakçısı Mehman Ramazanzadənin orada çıxış etməsində yaranan əngəl aradan qalxıb.

SeherXeber.org xəbər verir ki, bu barədə oxu.az-a Milli Paralimpiya Komitəsinin baş katibi Kamal Məmmədov məlumat verib.

Onun sözlərinə görə, onun Bakıda verdiyi iki testin nəticəsi də neqativ çıxıb. Bu səbəbdən də onun martın 9-da xizəksürmə yarışında Azərbaycanın təmsil etməsi üçün heç bir problem yoxdur. O bu gün saat 21:50-də Bakı-İstanbul-Pekin reysi ilə səfərə çıxacaq.

Qeyd edək ki, Qış Paralimpiya Oyunlarının martın 4-də keçirilən açılış mərasimində Mehman Ramazanzadə bayraqdarımız olmalı idi. Lakin səhhəti ilə əlaqədar olaraq idmançımız səfərə yola düşə bilməmişdi. Nəticədə bayrağımızı çinli könüllü daşımalı olmuşdu.