UEFA Avropa Liqasında pley-off mərhələsinin cavab oyunlarına start verilib.

SeherXeber.org "Report"a istinadla xəbər verir ki, Azərbaycan millisinin futbolçusu Mahir Emrelinin çıxış etdiyi "Dinamo" (Zaqreb) komandası Xorvatiyada İspaniya "Sevilya"sını qəbul edib. Görüş Zaqreb təmsilçisinin 1:0 hesablı qələbəsi ilə başa çatıb.

Oyuna ehtiyatda başlayan Emreli 62-ci dəqiqədə Bruno Petkoviçin yerinə meydana daxil olub. Qol da məhz 25 yaşlı forvardın meydana çıxmasından sonra vurulub. 65-ci dəqiqədə Mislav Orşiç penaltidən fərqlənib.

Qələbəyə baxmayaraq, ilk görüşdə 1:3 hesabı ilə uduzan "Dinamo" mübarizəni dayandırıb. "Sevilya" isə adını 1/8 finala yazdırıb. La Liqa təmsilçisi ilə yanaşı, İtaliyanın "Atalanta", Almaniyanın "Leyptsiq" və Portuqaliyanın "Portu" klubları da mərhələ adlayıblar.

UEFA Avropa Liqası, pley-off mərhələsi

Cavab oyunları

24 fevral

21:45. "Dinamo" (Zaqreb, Xorvatiya) - Sevilya" (İspaniya) - 1:0

İlk oyun - 1:3.

21:45. "Olimpiakos" (Yunanıstan) - "Atalanta" (İtaliya) - 0:3

İlk oyun - 1:2.

21:45. "Real Sosyedad" (İspaniya) - "Leyptsiq" (Almaniya) - 1:3

İlk oyun - 2:2.

21:45. "Latsio" (İtaliya) - "Portu" (Portuqaliya) - 2:2

İlk oyun - 1:2.

00:00. "Napoli" (İtaliya) - "Barselona" (İspaniya)

İlk oyun - 1:1.

00:00. "Reyncers" (Şotlandiya) - "Borussiya" (Dortmund, Almaniya)

İlk oyun - 4:2.

00:00. "Betis" (İspaniya) - "Zenit" (Rusiya)

İlk oyun - 3:2.

00:00. "Braqa" (Portuqaliya) - "Şerif" (Moldova)

İlk oyun - 0:2.