“Neftçi” inamlı qələbə ilə zirvəyə yüksəldi – VİDEO
Futbol üzrə Azərbaycan Premyer Liqasında VI turun daha bir oyunu keçirilib.
SeherXeber.org xəbər verir ki, günün ikinci matçında son çempion “Neftçi” “Səbail”in qonağı olub.
Qarşılaşma “ağ-qaralar”ın 3:1 hesablı qələbəsi ilə başa çatıb. “Neftçi”nin heyətində Yusuf Laval 26-cı dəqiqədə hesabı açıb. Qonaqların yeni transferi Tiaqo Bezerra 45+1-ci dəqiqədə fərqi iki topa çatdırıb. Braziliyalı hücumçu 78-ci dəqiqədə özünün ikinci komandasının üçüncü qoluna imza atıb.
90+5-ci dəqiqədə Nikolas Raysel meydan sahiblərinin təsəlli qolunu vurub.
Qələbə sayəsində xallarının sayını 13-ə çatdıran “Neftçi” birinci pilləyə yüksəlib.
Bir oyun az keçirən “Qəbələ” və “Qarabağ” 11 xalla 2-3-cü yerləri bölüşdürür. “Səbail” isə 6 xalla 5-ci sıradadır.
Tura oktyabrın sabah oynanılacaq “Qarabağ” – “Qəbələ” qarşılaşması ilə yekun vurulacaq.