Xaçmazda evdən külli miqdarda narkotik bitki aşkarlandı



 

Xaçmaz sakininin evində 24 ədəd çətənə kolu aşkarlanıb.

Bu barədə SeherXeber.org-a Daxili İşlər Nazirliyinin (DİN) mətbuat xidmətinin Şirvan regional qrupundan məlumat verilib.

Məlumata görə, Xaçmaz Rayon Polis Şöbəsinin (RPŞ) əməkdaşları tərəfindən həyata keçirilən “Xaşxaş-2021” şərti adlı kompleks əməliyyat-axtarış və profilaktik tədbirlər nəticəsində rayon ərazisində narkotik tərkibli bitkilərin kultivasiyası ilə məşğul olmaqda şübhəli bilinən şəhər sakini Fuad Məmmədov saxlanılıb. 

Polis əməkdaşları tərəfindən onun yaşadığı binanın qarşısında yerləşən əraziyə keçirilən baxış zamanı oradan xüsusi aqrotexniki qaydada qulluq edilərək yetişdirilmiş 24 ədəd çətənə kolu aşkarlanaraq götürülüb. 

Faktla bağlı Xaçmaz RPŞ-nin İstintaq Bölməsində cinayət işi açılıb, araşdırmalar aparılır.