Azərbaycan cüdoçusu Murad Fətiyev Türkiyənin Antalya şəhərindəki Böyük Dəbilqədə bürünc medal görüşünə çıxıb.

81 kq çəki dərəcəsində mübarizə aparan idmançı 3-cü yer uğrunda italiyalı Antonio Esposito ilə qarşılaşıb.

Rəqibinə qalib gələn Fətiyev bürünc medala yiyələnib.

Qeyd edək ki, daha əvvəl 66 kq çəki dərəcəsində Nicat Şıxəlizadə bürünc medal qazanıb.

18:18

Azərbaycan cüdoçusu Murad Fətiyev Türkiyənin Antalya şəhərindəki “Böyük Dəbilqə”də bürünc medal uğrunda görüşə vəsiqə qazanıb.

Oxu.Az xəbər verir ki, 81 kq çəki dərəcəsində yarışan Murad Fətiyev Polşa və İsraildən olan rəqiblərini məğlub etsə də, 1/4 finalda Vedat Albayraka (Türkiyə) məğlub olub.

O, təsəlliverici yarışda Rusiyanı təmsil edən erməni cüdoçusu David Karapetyanla görüşməli olsa da, rəqib tatamiyə çıxmayıb. Nəticədə qələbə idmançımıza verilib.

Murad üçüncü yer uğrunda İtaliya təmsilçisi Antonio Espozito ilə qarşılaşacaq.

Eyni çəkidəki Zelim Tskayev 1/8 finalda Məhəmməd Abdelal (Misir) ilə bacarmayıb. Qadınların yarışında 70 kq-da Günel Həsənli ilk görüşündə İspaniyadan olan rəqibinə uduzaraq medalsız qalıb.