Dortmundun “Borussiya” klubunun hücumçusu Erlinq Holandın atası və agenti İspaniyanın “Barselona” və “Real” komandaları ilə danışıqlar aparmaq üçün Priney ölkəsinə gəlib.

Bu barədə jurnalist Fabrisio Romano “Tvitter” səhifəsində məlumat yayıb.

Onun sözlərinə görə, Holandın təmsilçiləri “Barsa” prezidenti Xuan Laporta ilə görüşüb. Daha sonra isə “Real”la danışıqlar üçün Madridə yola düşüblər.

Yayılan məlumatlara əsasən, kataloniyalılar norveçlini transfer etmək üçün kredit götürməyə belə hazır olduqlarını bildiriblər.

Xatırladaq ki, Almaniya klubu Holandın transferi üçün 180 milyon avro tələb edir.