Yüngül çəkidə qarışıq döyüş (MMA) üzrə dünya çempionu, karyerasını başa vuran rusiyalı Həbib Nurməhəmmədov amerikalı MMA ustası Toni Ferqyusonun dünənki müraciətinə cavab verib.

Lenta.ru portalının məlumatına görə, məğlubedilməz döyüşçü amerikalı həmkarına Beneil Dariuşla növbəti qarşılaşmasında uğur arzulayıb və diqqətini həmin duelə yönəltməyə çağırıb. Həbib qeyd edib ki, Ferqyuson “nəcis kimi görünür”.

Xatırladaq ki, dünən 37 yaşlı Ferqyuson Nurməhəmmədovla baxış duelinin videosunu paylaşaraq, “Tezliklə görüşərik”, - yazıb.

Rəqiblər arasında qarşılaşma təxminən bir il öncə baş tutmalı idi. Lakin o zaman pandemiya şəraitindəki qeyri-müəyyənlik səbəbindən rusiyalı döyüşdən imtina etmişdi.