DÇ-2022-nin seçmə mərhələsi çərçivəsində Serbiya komandası ilə oyunda zədələnmiş millimizin futbolçusu Mahir Emrelinin sağlamlıq durumuna aydınlıq gəlib.

Oxu.Az xəbər verir ki, “Qarabağ”ın hücumçusu bu gün tibbi müayinədən keçib.

Milli komanda həkiminin müşayiəti ilə MRT (Maqnit Rezonans Tomoqrafiya) olunduqdan sonra Mahirin sağ bud nahiyəsində arxa əzələnin ikinci dərəcəli hissəvi yırtılması aşkarlanıb.

Həkimlərin ilkin diaqnozuna görə Mahir Emreli üç həftə yaşıl meydanlardan uzaq qalacaq.

Qeyd edək ki, Mahir Emreli 69-cu dəqiqədə meydana daxil olsa da, cəmi 10 dəqiqə meydanda qala bilib. O zədələnərək yerini “Qarabağ”dakı komanda yoldaşı Elvin Cəfərquliyevə verməli olub.