Madridin “Atletiko” futbol klubunun hücumçusu Mussa Dembele məşq zamanı huşunu itirib. Hadisənin videosu sosial şəbəkələrdə yayılıb.

Kadrlarda oyunçunun isinmə hərəkətləri zamanı gözlənilmədən yerə yıxılması əks olunur. Bir müddət sonra ayılan Dembele özü yeriyərək təcili yardım maşınına tərəf gedir.

Klubdan verilən rəsmi məlumata görə, hücumçunun təzyiqi aşağı düşüb.

Yerli jurnalistlər bildirirlər ki, Dembele məşq bazasından öz avtobili ilə gedib və onun səhhətində ciddi problem yoxdur.