Portuqaliyanın ikinci divizionu (Sequnda) matçında kuryoz hadisə baş verib.

“Canal 11”in “Twitter” səhifəsində hadisənin görüntüləri yayılıb.

Sequndanın 22-ci turu çərçivəsində keçirilən “Varzim” – “Marfa” qarşılaşmasında ev sahibi komandanın qolkiperinin öz cərimə meydançasından oyuna daxil etdiyi top qola çevrilib.

Beləliklə də, matçın 53-cü dəqiqəsində qeydə alınan qolun müəllifi qapıçı Rikardu Nuneş komandasının qələbəsində pay sahibi olub. Oyun “Varzim”in 2:0 hesablı qalibiyyətilə başa çatıb.