UEFA Avropa Liqasında 1/8 final mərhələsinə yekun vurulub.

Beləliklə 1/4 finalın bütün iştirakçıları müəyyənləşib.

Son olaraq, İspaniyanın "Vilyarreal", İngiltərənin "Mançester Yunayted", Niderlandın "Ayaks" və Çexiyanın "Slaviya" (Praqa) komandaları növbəti mərhələyə vəsiqə qazanıblar.

1/8 final mərhələsi, cavab oyunları

"Reyncers" (Şotlandiya) - "Slaviya" Praqa (Çexiya) - 0:2

Qol: Piter Olayinka, 14, Nikolae Stançu, 74

İlk oyun - 1:1

Qırmızı vərəqə: Kemar Ruf, 62, Leon Balaqun, 73 (hər ikisi "Reyncers")

"Milan" (İtaliya) - "Mançester Yunayted" (İngiltərə) - 0:1

Qol: Pol Poqba, 49

İlk oyun - 1:1

"Vilyarreal" (İspaniya) - "Dinamo" (Kiyev, Ukrayna) - 2:0

Qollar: Jerar Moreno, 13, 36

İlk oyun - 2:0

"Yanq Boyz" (İsveçrə) - "Ayaks" (Niderland) - 0:2

Qollar: David Neres, 21, Duşan Tadiç, 49 (penalti)

İlk oyun - 0:3

00:50

UEFA Avropa Liqasının 1/8 final mərhələsində daha bir cavab matçı başa çatıb.

Xorvatiyada İngiltərə "Tottenhem"ini 3:0 hesabı ilə məğlub edən Zaqreb "Dinamo"su növbəti raunda vəsiqə qazanıb.

"Dinamo" (Zaqreb, Xorvatiya) - "Tottenhem" (İngiltərə) - 3:0

Qollar: Mislav Orşiç, 62; 83; 106

İlk oyun - 0:2

00:22

UEFA Avropa Liqasında 1/4 final mərhələsinin ilk iştirakçıları məlum olub.

İngiltərənin “Arsenal”, İspaniyanın “Qranada” və İtaliyanın “Roma” klubları növbəti mərhələyə vəsiqə qazanıb.

“Topçular” məğlubiyyətə baxmayaraq Yunanıstanın “Olimpiakos” komandasını mübarizədən kənarlaşdırıb. Romalılar isə hər iki matçda Ukrayna “Şaxtyor”una qalib gəlib.

“Qranada” evdə 2:0 hesabı ilə qalib gəldiyi Norveç "Molde"sinə səfərdə uduzsa da, iki görüşün nəticəsinə əsasən, 1/4 finala çıxıb.

Bu qarşılaşmalarla eyni vaxtda başlayan “Dinamo” Zaqreb (Xorvatiya) - “Tottenhem” (İngiltərə) matçının əsas vaxtı meydan sahiblərinin qələbəsi ilə başa çatıb - 2:0. İlk oyunda İngiltərə təmsilçisi eyni hesabla qalib gəldiyindən, hazırda görüşdə əlavə vaxt oynanılır.

Avropa Liqası, 1/8 final mərhələsi, cavab oyunları

“Molde” (Norveç) – “Qranada” (İspaniya) - 2:1

Qollar: Xesus Valyexo, 29 (avtoqol), Eyrik Hestad, 90 (penalti) - Roberto Soldado, 72

İlk oyun - 0:2

“Arsenal” (İngiltərə) – “Olimpiakos” (Yunanıstan) - 0:1

Qol: Yusuf El-Arabi, 51

İlk oyun - 3:1

Qırmızı vərəqə: Husseynu Ba, 82 (“Olimpiakos”)

“Şaxtyor” (Donetsk, Ukrayna) – “Roma” (İtaliya) - 1:2

Qol: Junior Moraes, 59 - Borxa Mayoral, 48; 72

İlk oyun - 0:3

Qeyd edək ki, 1/8 finalın digər 4 oyunu da artıq başlayıb. Nəticələr barədə matçlar başa çatdıqdan sonra məlumat verəcəyik.