“Yuventus” yay transfer dövründə əsas ulduzu Kriştianu Ronaldunu itirəcəyi halda, onun yerini “Borussiya”nın gənc ulduzu Erlinq Holanla doldurmağı planlaşdırır.

Bu barədə Championat.com məlumat yayıb.

Portuqaliyalı artıq öz agenti J.Mendeşə yeni klub tapması barədə göstəriş verib. Namizədlər isə “Mançester Yunayted”, PSJ və Madrid “Real”ıdır. Bu baxımdan Ronalduya ən böyük marağı “Kral klubu” göstərir. Ən böyük problem isə portuqaliyalı ulduzun 31 milyon avro olan maaşıdır. “Real” isə ulduz futbolçuya koronavirus pandemiyası ilə əlaqədar yaranmış çətinliklərə görə sadəcə 20 milyon avro təklif edə bilər.

Ronaldunun keçidi baş tutacağı halda “Yuve” Erlinq Holan üçün Mançesterin iki təmsilçisi və London “Çelsi”si ilə mübarizə aparacaq.