İstanbul nəhəngi “Qalatasaray” qapıçısı Fernando Muslera ilə müqaviləni uzadır.

Bu barədə klubdan məlumat yayılıb.

Bildirilib ki, artıq tərəflər arasında 3 illik yeni sözləşmə ilə bağlı razılıq əldə olunub.

35 yaşlı uruqvaylı qapıçı sabah təşkil olunacaq mərasimdə müqaviləyə imza atacaq.

Qeyd edək ki, Fernando Muslera 2011-ci ildən “Qalatasaray”da çıxış edir. O, bu müddətdə düz 5 dəfə Türkiyə çempionu olub.