“Formula 1” yarışlarının tanınmış britaniyalı şərhçisi Mörri Uolker vəfat edib.

Bu barədə avtomobil yarışlarının mətbuat xidməti məlumat yayıb.

98 yaşlı idman şərhçisinin ölüm səbəbi açıqlanmır.

Qeyd edək ki, Mörri gənclik illərində motosiklet yarışçısı olub. O, həmçinin II Dünya müharibəsinin iştirakçısı olub. Savaş illərində Uolker tank qoşunlarında xidmət edib.

1949-cu ildən etibarən “Formula 1”də çalışan Mörri, 1978-ci ildən ştat üzrə yarış şərhçisi kimi fəaliyyətə başlayıb. 2001-ci ilədək şərhçi kimi çalışan britaniyalının adı “Formula 1”in sinoniminə çevrilib.

O, 1996-cı ildə Britaniya İmperiyası ordeni ilə təltif olunub.