Bu gün futbol üzrə Azərbaycan Premyer Liqasında XX tura start verilib.

Oxu.Az xəbər verir ki, ilk oyun günündə iki qarşılaşma baş tutub.

Əvvəlcə son çempion “Qarabağ” “Sabah”ı qəbul edib. Ağdam klubu bu oyundan inamlı qələbə ilə ayrılıb. Komanda hər hissədə bir qol vuraraq yekunda 3 xalı iki qolla əldə edib.

Günün digər matçı isə “Sumqayıt”la “Keşlə” arasında olub. Dörd qolun qeydə alındığı matçda qalib müəyyənləşməyib.

Qeyd edək ki, tura saba keçiriləcək iki oyunla yekun vurulacaq. “Qəbələ” “Zirə”ni, “Neftçi” “Səbail”i qəbul edəcək.

Azərbaycan Premyer Liqası
20-ci tur
13 mart

“Qarabağ” – “Sabah” - 2:0
Qollar: F.Ozobiç, 42. M.Emreli, 73.
Matçın 15-ci dəqiqəsində F.Ozobiç penaltidən dəqiq yararlana bilməyib (qapıçı).

“Sumqayıt” – “Keşlə” - 2:2
Qollar: C.Xocaniyazov, 48. R.Sadıxov, 79 - A.Salahlı, 3; 73.