Sabah Moldovanın paytaxtı Kişinyovda MMA üzrə “Eagles FC”-nın növbəti yarışı keçiriləcək.

Oxu.Az-ın xəbərinə görə, bu yarışda Azərbaycan təmsilçisi Mehman Məmmədov kəmər döyüşünə çıxacaq. Gecənin əsas döyüşü də elə bu olacaq.

Mehmanın rəqibi isə Belarus idmançısı Yevgeni Sibirski-Manko olacaq. 32 yaşlı Mehman indiyədək keçirdiyi yeddi görüşdən üçündə qalib gəlib, ötən ilin fevralında keçirdiyi sonuncu döyüşü isə baş tutmamış hesab edilib. 26 yaşlı Yevgeni isə keçirdiyi 12 döyüşdən 7-də qalib gəlib.

Qeyd edək ki, bu döyüş sabah Bakı vaxtı ilə saat 21:00-dan etibarən “Fea Fights” Youtube kanalı vasitəsilə göstəriləcək.

Səbuhi Musayev