Qafqaz Beynəlxalq Universitetinin professoru, iqtisadi məsələlər üzrə gürcüstanlı ekspert Demur Qiorxelidze Caliber.Az-a verdiyi müsahibədə bildirib ki, Gürcüstan, Azərbaycan və Ermənistanla tarixi əlaqələrə malikdir.

“Hazırda iqtisadi məsələlər dialoq üçün böyük əhəmiyyət kəsb edir və Tbilisi də buna diqqət yetirir. Mənim fikrimcə, Gürcüstan, Azərbaycan və Ermənistan gələcəkdə gömrük rüsumu və lazımsız bürokratik əngəllər olmadan Cənubi Qafqazın vahid iqtisadi zonasını yaratmalıdırlar. Xüsusən də qarşılıqlı faydadan söhbət gedirsə, razılığa gəlmək həmişə mümkündür.

Cənubi Qafqaz, Yaxın Şərq və Orta Asiya kimi yaxın 30-40 ildə bütün dünya siyasətinin diqqətinin cəmləşəcəyi vahid  geosiyasi məkandır. Biz bu bölgədə Rusiya ilə Qərbin qarşıdurmasını və bir çox digər amilləri nəzərə alaraq, ağıllı qərarlar qəbul etməli, inciklikləri unutmalı və sabahkı gün haqqında düşünməliyik”, - deyə D. Qiorxelidze bildirib.

Müsahibənin tam mətni ilə Caliber.az saytından tanış ola bilərsiz.