Argentinada əfsanəvi futbolçu Dieqo Maradonanın ölümünün başvermə şəraitinin araşdırılması və günahkarların cəzalandırılması tələbi ilə etiraz aksiyası keçirilib.

TASS agentliyi xəbər verir ki, aksiyada azarkeşlərlə yanaşı, D.Maradonanın qohumları, Argentina millisinin keçmiş oyunçuları da iştirak edib.

Aksiya iştirakçıları əllərində “təqsirkarlara ictimai qınaq və məhkəmə hökmü”, “10 nömrə üçün ədalət” sözləri yazılmış plakat tutublar.

Qeyd edək ki, əfsanəvi futbolçu D.A.Maradona 2020-ci il noyabrın 26-sı 60 yaşında ürəktutmasından vəfat edib.