“Çelsi”nin baş məşqçisi Tomas Tuxel İngiltərə çempionatının 27-ci turunun nəticələrinə əsasən turnirin məşqçiləri arasında tarixi uğura imza atıb.

Bu barədə ESPN məlumat yayıb.

47 yaşlı alman mütəxəssis çempionat tarixində rəhbərlik etdiyi komanda ilə debüt etdiyi beş ev oyununda qol buraxmayan ilk məşqçi olub.

Xatırladaq ki, Tomas Tuxel yanvarın 26-dan “Çelsi”yə rəhbərlik edir. “Çelsi” onun rəhbərliyi altında İngiltərə çempionatında doqquz qarşılaşma keçirib, bu oyunlarda altı qələbə qazanıb, üç dəfə heç-heçə edib.