Almaniyanın “Bavariya” klubunun avstriyalı müdafiəçisi David Alaba və İngiltərənin “Mançester Siti” klubunun argentinalı hücumçusu Serxio Aquero yayda İspaniyanın “Barselona” klubuna keçə bilər.

Oxu.Az xəbər verir ki, bu barədə İspaniyanın “Mundo Deportivo” qəzeti məlumat yayıb.

28 yaşlı Alaba artıq elan edib ki, Münhen klubu ilə anlaşmasını davam etdirməyi planlaşdırmır. 32 yaşlı Aquero isə az maaş alsa belə, “Barselona”ya keçmək istəyində olduğunu gizlətməyib.

Serxio Aqueronun gəlişi ilə onun həmyerlisi və dostu Lionel Messinin “Barselona”da qalmaq ehtimalının yüksək olduğu bildirilir.

Qeyd edək ki, hər iki futbolçunun bu yay klubla müqaviləsi başa çatır. “Barselona”nın yeni prezidenti Xoan Laportanın yayda kluba nəhəng transferlər edəcəyi gözlənilir.

Səbuhi Musayev