Gənclər və idman nazirinin müavini İsmayıl İsmayılovun səhhəti ilə bağlı məsələyə aydınlıq gəlib.

Bu barədə Oxu.Az-a Gənclər və İdman Nazirliyinin mətbuat xidmətinin rəhbəri Səmayə Məmmədova danışıb.

O bildirib ki, İ.İsmayılov hazırda xəstəxanadan buraxılıb və ev şəraitində müalicə alır:

“İsmayıl müəllim işdən çıxanda ayağı burxulub, yıxılıb. Nəticədə onun qabırğası çatlayıb. Xəstəxanaya çatdırılıb. Həkim müdaxiləsindən sonra ev şəraitində müalicəsini davam etdirir. Qısa zamanda işinə geri dönəcək”.

Qeyd edək ki, İsmayıl İsmayılovun səhhətində problem yaranması xəbərini ilk olaraq Unikal saytı yayıb.

Səbuhi Musayev