“Mançester Yunayted”in baş məşqçisi Ole-Qunnar Sulşer komandanın yarımmüdafiəçisi Pol Poqbanın zədəsinin ciddiliyi haqqında məlumat verib.

“Sports” portalının məlumatına görə, oyunçu bir neçə həftə yaşıl meydanlardan uzaq qalacaq.

“Biz Poqbanı daha tez komandaya qatmağa çalışacağıq. Lakin o bizim üçün çox dəyərli oyunçu olduğundan, risk etməyəcəyik. Dəqiq bir neçə həftə çəkəcək”, - deyə Sulşer bildirib.

Xatırladaq ki, fransalı futbolçu İngiltərə Premyer Liqasının 23-cü turu çərçivəsində keçirilən və 3:3 hesabı ilə başa çatan “Mançester Yunayted” – “Everton” qarşılaşması zamanı zədələnib.