Türkiyənin Muğla şəhərində gecə klubuna silahlı hücum olub.

"Qafqazinfo" Türkiyə mediasına istinadən xəbər verir ki, hadisə nəticəsində 2 nəfər ölüb, 6 nəfər yaralanıb. Ölənlərdən biri gənc müğənni Həcər Tülü, digəri məkanın sahibi Mehmet Əli Sürensoydur. Həcər kassada ödəniş edərkən təsadüfən öldürülüb. Məlumata görə, qabaqcadan gecə klubunun qarşısında avtomobildə pusqu quran 4 şübhəli Mehmet Əli Sürensoy məkana girərkən atəş açmağa başlayıb. 

Yaralılar xəstəxanaya yerləşdirilib.

Polis təhlükəsizlik kamerası ilə şübhəlilərin olduğu avtomobili təsbit edərək onları ələ keçirib.