Madridin “Real” klubu Zinəddin Zidandan boşalan baş məşqçi postuna yeni təyinatı həyata keçirib.

“Qafqazinfo” xəbər verir ki, “Kral klubu” ispan məşqçi Xulen Lopeteqi ilə anlaşıb.

51 yaşlı mütəxəssislə 3 illik müqavilə imzalanacaq.

Onun 2018-ci il dünya çempionatından sonra İspaniya millisi ilə vidalaşacağı və "Real"da vəzifəsinin icrasına başlayacağı açıqlanıb.

Qeyd edək ki, X.Lopeteqi 2016-cı ildən bu günə kimi İspaniya millisini çalışdırırdı. O, müxtəlif vaxtlarda “Rayo Valyekano” və “Portu” kimi klubları da çalışdırıb. 2008-2009cu illərdə isə “Real Madrid”in gənclərdən ibartə komandasına rəhbərlik edib.