“Daha gəncləşdirilmiş heyətimiz olacaq” - Rəşad Sadıqov



 

21 yaşadək futbolçulardan ibarət Azərbaycan yığmasının baş məşqçisi Rəşad Sadıqovun Qazaxıstan yığması ilə yoldaşlıq oyunu öncəsi AFFA-nın mətbuat xidmətinə açıqlama verib.

“Qafqazinfo” xəbər verir ki, Sadıqov qazaxlarla matçda əsasən, U-20 millisinin üzvlərinə güvənəcəyini deyib: 
 
"Bizi yaxşı rəqiblə oyun gözləyir. Qazaxıstan yığması Avropa çempionatının seçmə mərhələsində 2-ci yer uğrunda mübarizə aparır. 2-ci yerdən cəmi bir xal geri qalırlar. Güclü rəqiblə oynamağımız bizi sevindirir. Biz də oyuna yaxşı hazırlaşmışıq. Futbolçularımızı, komandamızı yoxlamaq istəyirik. Sabah, demək olar, U-20-nin 7-8 üzvünü əsas heyətdə meydana buraxacağıq. Daha gəncləşdirilmiş heyətimiz olacaq. Çalışacağıq ki, ilk növbədə yaxşı oyun, sonra da yaxşı nəticə olsun".