Cəlilabad rayonunun Göytəpə şəhəri ərazisində yük maşını mikroavtobusla toqquşub.

“Qafqazinfo” APA-ya istinadən xəbər verir ki, hadisə nəticəsində 1 nəfər ölüb, 11 nəfər xəsarət alıb.

 Onlardan 9-u Masallı Rayon Mərkəzi Xəstəxanasına aparılıb.

Cəlilabad Rayon Mərkəzi Xəstəxanasına aparılan iki yaralının şəxsiyyəti dəqiqləşib. Bunlar 1987-ci il təvəllüdlü Günəş Cabbarov və azyaşlı Səbiyyə Şəmşəd qızı Sadıqovadır. Hazırda onlara tibbi yardım göstərilir.

Faktla bağlı araşdırma aparılır.