Azərbaycanda da maraqla izlənilən “Çukur” serialında “Vartolu Sədaətdin” obrazını canlandıran Erkan Kolçak Köstendil futbolçu olmaq qərarına gəlib.

“Qafqazinfo” Posta-ya istinadən xəbər verir ki, 35 yaşlı aktyor Türkiyə Regional Həvəskarlar Liqasında mübarizə aparan “Vəfaspor”la razılaşıb.

Rəsmi müqavilənin 2 gün sonra imzalanacağı açıqlanıb.

Qeyd edək ki, futbola böyük marağı olan Erkan Kolçak Köstendil gənc yaşlarında “Bursaspor”un aşağı yaş qruplarında qapıçı olub. Əsas heyətdə isə 1 dəfə meydana çıxmaq şansı əldə edib.