Rusiyalı biznesmen Roman Abramoviç İsrail vətəndaşlığını əldə edib.

“Qafqazinfo” xəbər verir ki, bu barədə “The Times of Israel” yerli KİV-ə istinadən məlumat yayıb.

Məlumata görə, milyarderin şəxsi təyyarəsi bu gün Tel-Əvivin “Ben-Hurion” hava limanına eniş edib.

Qeyd olunur ki, iş adamı Neve-Tsedek rayonunda aktrisa Qal Qadota məxsus olmuş malikanədə yaşayacaq.

“Ediot Ahronot”un məlumatına görə, biznesmen artıq İsrail bankında özünə hesab açıb.

“Sunday Times” bildirir ki, “Çelsi” futbol klubunun sahibi 12,5 milyard dollar sərvətə sahibdir. Bununla o, İsrailin ən zəngin insanı kimi tanınacaq.