Tayvanda 6,4 bal gücündə dağıdıcı zəlzələ baş verib.

“Qafqazinfo” xəbər verir ki, episentri yerin 10,6 km dərinliyində yerləşən zəlzələ daha çox Hualien şəhərində fəsadlara səbəb olub.

Yeraltı təkanlar nəticəsində 2 nəfər ölüb, 100-dən çox insan isə yaralanıb.

Məlumata görə, “Martial hotel”in çöküb. Dağıntılar arasından 116 nəfər xilas edilib. Hazırda xilasetmə işləri davam etdirilir.

Ümumilikdə 6 bina və 1 hərbi xəstəxana çöküb, 2 körpü yararsız hala düşüb.

Qeyd edək ki, Tayvanda 1999-cu ildə baş vermiş 7,6 ballıq zəlzələ zamanı 2300-dən çox insan ölmüşdü.