Axtarışda idi, Bakıda həbsxananın qarşısında ələ keçdi



 

Bu gün saat 17:00 radələrində Ədliyyə Nazirliyi Penitensiar Xidmətinin və Daxili İşlər Nazirliyinin əməkdaşları birgə əməliyyat keçiriblər.

“Qafqazinfo” Oxu.az-a istinadən xəbər verir ki, əməliyyat nəticəsində axtarışda olan Naxçıvan MR Babək rayonu, Ceşməbazar kənd sakini, 1991-ci il təvəllüdlü Dünyamalıyev Şirin Əhliman oğlu həbs edilib.

O, Penitensiar Xidmətin 15 saylı cəzaçəkmə müəssisəsinin qarşısında saxlanılaraq istintaqa təhvil verilib.

Qeyd edək ki, 26 yaşlı gənc Cinayət Məcəlləsinin 126.1 maddəsi ilə (Qəsdən sağlamlığa ağır zərər vurma) ittiham olunur.