Bakıda ana öldü, qızı yaralandı



 

Paytaxtda ana və övladının iştirakı ilə daha bir qəza baş verib.

“Qafqazinfo” DİN-ə istinadən xəbərə verir ki, hadisə dekabrın 15-də saat 13 radələrində Suraxanı rayonunun Hövsan qəsəbəsi qeydə alınıb.

Bakı şəhər sakini Natəvan Babayeva idarə etdiyi “BMW” markalı avtomobili yol ayırıcısına vurub. Nəticədə sürücü hadisə yerində ölüb, xəstəxanaya yerləşdirilən sərnişini - 7 yaşlı qızı Aysunun vəziyyəti qənaətbəxşdir. 

Suraxanı RPİ tərəfindən araşdırma aparılır.

Qeyd edək ki, eyni gündə Maştağa qəsəbəsində “Ford” ana və oğlunu vurub, 8 yaşlı Mehrac vəfat edib.

Murad Əhməd